मर्चवारमा यादुवंशी युवा समाजद्वारा ३२ युनिट रक्तदान

मर्चवार । रुपन्देहीको मर्चवार क्षेत्रमा यादुवंशी युवा समाजद्वारा ३२ युनिट रक्तदान गरिएको छ । श्री कृष्ण जन्माष्टमीको अवसरमा ‘रक्तदान जीवन दान’ मुल नाराका साथ शनीबार कोटहीमाई ६ मर्चवारी मन्दिर परिसरमा उक्त रक्तदान गरिएको यादुवंशी युवा समाज रुपन्देहीका अध्यक्ष डा. रणधीर यादवले बताए ।  

रुपन्देही क्षेत्र नं.४ पुर्व प्रतिनिधि सभा सदस्य प्रमोद कुमार यादवको प्रमुख अतिथ्यतामा समाजका विभिन्न सदस्य सहित विभिन्न युवाहरु रक्तदान गरेका अध्यक्ष यादवले जानकारी दिएका छन् । 

कार्यक्रममा बोल्दै प्रमुख अतिथि यादवले समाजको हरेक क्षेत्रको विकासमा युवा नेतृत्व आश्यकता रहेको बताए । समाजमा बढदै गरेका विरामीहरुलाई रगतको आश्यकता ब्यवस्थापन प्रति युवाको अग्रसरता प्रति खुसी ब्यक्त गरेका थिए । रक्तादन गरेका सबैलाई धन्यवाद ब्यक्त गर्दै आउने दिनमा समाजको हरेक समस्या निवारण प्रति हाथेमालो गर्न आग्रह गरेका थिए । 

कार्यक्रममा कोटहीमाई गाउँपालिका पुर्वअध्यक्ष चन्द्रभुषण यादव, नेपाली कांग्रेस क्षेत्र नं. ४ का सभापति मुकेश यादव, कोटहीमाई ७ का वडाध्यक्ष पवन कुमार यादव, मर्चवारी मन्दिरका महन्थ साधुसरण दास महराज लगायत विभिन्न युवाहरुको उपस्थिती रहेको थियो । 

नेपाल रेडक्रास सोसाइटी रक्त सञ्चार ईकाइ बुटवलको प्राविधिक सहयोग तथा यादुवंशी युवा समाज मर्चवारी गाउँपालिकाको संयोजकत्वमा सम्पन्न उक्त रक्तदान कार्यक्रमलाई रामसरन यादवले संचालन गरेका थिए ।